Domingo 19.08.2012  | Actualizado 11.53      Hemeroteca web  |  RSS  RSS

El Correo Gallego Galicia Hoxe Radio Obradoiro CorreoTV Tierras de Santiago Anova multiconsulting
Noticia 4 de 550 anterior siguiente Santiago te espera  |  RSS - Santiago te espera RSS

Toda iconografía xacobea estará dispoñible nunha soa base de datos

Turismo de Galicia e o Comité Internacional de Expertos do Camiño de Santiago traballan man a man para construir un completo corpus de imaxes e xerar a ferramenta do Thesaurus de todo aquilo que teña que ver co fenómeno das peregrinacións a Compostela

Carmen Pardo con Paolo Caucci von Saucken, esquerda, e o xerente de Xacobeo, José Paz Gestoso.  - FOTO: Conchi Paz
Carmen Pardo con Paolo Caucci von Saucken, esquerda, e o xerente de Xacobeo, José Paz Gestoso. - FOTO: Conchi Paz

09.08.2012 
A- A+

Toda a iconografía xacobea nunha única base de datos. Turismo de Galicia e o Comité Internacional de Expertos do Camiño de Santiago traballan man a man para construir un completo corpus de imaxes e xerar a ferramenta do Thesaurus de todo aquilo que teña que ver co fenómeno das peregrinacións a Compostela, segundo anunciou onte a secretaria xeral para o Turismo, Carmen Pardo. A iniciativa permitirá unificar a terminoloxía e facilitar o seu baleirado, así como a indexación e catalogación de imaxes ou outras aplicacións na Rede.

A Base de Datos IAGO, tal e como se bautizou o proxecto, agarda colaborar coas institucións xacobeas de España e Europa, ademais de con centros e seccións de documentación e investigación das principais asociacións xacobeas internacionais.

Carmen Pardo referiuse ó IAGO na presentación das actas do VIII Congreso Internacional de Estudos Xacobeos. Peregrino, ruta e meta nas peregrinacións maiores (celebrado en 2010), que tivo lugar onte en Compostela. Na publicación recóllense textos tan interesantes como As tres peregrinacións maiores no Códice Calixtino, de Klaus Herbes; a memoria e semblanza do experto Manuel C. Díaz y Díaz a cargo de Paolo Caucci von Saucken –que asistiu tamén ó acto– ou Evocacións de Xerusalén na arquitectura do Camiño de Santiago: o Santo Sepulcro e a Santa Cruz, de Javier Martínez Aguirre.

Segundo resaltou a secretaria xeral, "a investigación é o futuro, na ciencia, na tecnoloxía, pero tamén no Camiño porque sen investigación no habería unha base sólida sobre a que apoiar o enorme fenómeno de revitalización das peregrinacións a Compostela que estamos vivindo". Carmen Pardo resaltou tamén que "a investigación confire, custodia e defende o Camiño e a súa especificidade ao longo dos seus máis de mil anos de Historia".

A responsable fixo un repaso polo traballo de investigación que se desenvolve dende o seu departamento e máis dende a S.A. de Xestión do Plan Xacobeo, que implica que nos últimos anos se desenvolveran proxectos moi ambiciosos como a exposición Compostela e Europa. A historia de Diego Xelmírez.

No contexto deste proxecto realizáronse tamén xornadas científicas en París e en Roma, así como unha importante produción audiovisual e reconstrucións en 3D cunha sólida base científica.

Durante os últimos anos o Xacobeo ten patrocinado ducias de congresos e ciclos de temática compostelá en áreas que van dende a xeografía, a física ou a relixión ata a medicina.

Escribe tu comentario

Para escribir tus comentarios en las noticias, necesitas ser usuario registrado. Si no lo eres regístrate ahora

1000 Caracteres disponibles

www.santiagoteespera.com no se hace responsable de las opiniones de los lectores y eliminará los comentarios considerados ofensivos o que vulneren la legalidad.

Ante cualquier duda, problema o comentario
en las páginas de El Correo Gallego envíe un
e-mail a info@elcorreogallego.es. Titularidad
y política de privacidad