Miércoles 17.10.2012  | Actualizado 01.12 Hemeroteca web  |  RSS   RSS

Noticia 4 de 571 anterior siguiente Santiago te espera  |   RSS - Santiago te espera RSS

Propostas para ás institucións cara a mellorar ás infraestruturas ferroviarias de Compostela

A Cámara de Comercio defende a construcción dunha estación intermodal // Tamén apoia a creación dun centro loxístico ferroviario de mercadorías

INFRAESTRUTURAS FERROVIARIAS  Imaxen da estación actual do ferrocarril de Santiago e o seu entorno máis próximo.    - FOTO: E. de la Iglesia
INFRAESTRUTURAS FERROVIARIAS Imaxen da estación actual do ferrocarril de Santiago e o seu entorno máis próximo. - FOTO: E. de la Iglesia

04.10.2012 
A- A+

A Cámara de Comercio de Santiago enviou a seis institucións galegas e estatais as súas propostas sobre infraestruturas e servizos ferroviarios en Galicia, tiradas do ciclo de xornadas ferroviarias que celebrou antes do verán. Recibiron estas conclusións e propostas a ministra de Fomento, Ana Pastor; o director general de Ferrocarriles do Ministerio de Fomento, Manuel Niño; o presidente de Renfe e Adif, Julio Gómez-Pomar; o presidente da Xunta, Alberto Núñez Feijóo; o conselleiro de Medio Ambiente, Territorio e Infraestruturas, Agustín Hernández; o titular da Confederación de Empresarios de Galicia (CEG), Antonio Fontenla; e o alcalde de Santiago, Ángel Currás.

Este informe recolle unha serie de propostas en materia de infraestruturas ferroviarias prioritarias. O presidente da Cámara de Comercio de Santiago, Jesús Asorey, indica que a poboación galega e compostelá non pode renunciar ás oportunidades que o transporte ferroviario ofrece como motor da sociedade actual. "A contribución do transporte ferroviario é decisiva no futuro do noso desenvolvemento e progreso ordenado e sostible", explica Asorey.

Agrúpanse proposicións sobre o proxecto de acceso ao aeroporto de Lavacolla, considerado punto de conexión comunitaria de acordo ao Plan de Red Transeuropea de Transporte. O acceso ferroviario directo ao aeroporto sería ideal, pero resulta pouco probable que se desenvolva nun tempo breve; con todo, a Cámara de Comercio propón a redacción dun proxecto de prolongación do trazado actual, á altura da Sionlla, por parte do Ministerio de Fomento.

Por outra parte, a Cámara de Comercio defende a construción dunha estación intermodal de viaxeiros en Santiago, para garantir unha mobilidade de calidade para os usuarios galegos e os visitantes estranxeiros ao centro da cidade.

En relación ao debate do metro lixeiro para Santiago, a Cámara aposta pola súa construción como sinal de modernidade e calidade de vida, facilitando unha "mobilidade rápida, eficiente e económica" que conectaría a estación intermodal de viaxeiros coa Cidade da Cultura, a zona monumental, o Campus universitario, o polígono industrial do Tambre e outros servizos e zonas periféricas.

Unha medida máis, solicitada pola Cámara, é a creación dun Centro loxístico ferroviario de mercadorías en Amio, coa súa prolongación á Sionlla, que significaría unha oportunidade de negocio para moitas empresas da comarca, como a empacadora de residuos sólidos de Sogama, Finsa ou outras firmas importantes.

Noutra liña, a Cámara propón uns servizos ferroviarios a implantar na Comunidade Autónoma. Unha das medidas que se formulan é conectar as cidades da Eurorrexión a través dun tren Atlántico Exprés A Coruña-Oporto.

Outras das propostas sobre servizos ferroviarios xira ao redor do tres de cercanías entre Vilagarcía de Arousa e Santiago. A finalidade é crear un plan de accesibilidade e integración de Padrón, Pontecesures e Catoira, con melloras informativas para os usuarios, máis paradas e horarios cadenciados, construción de aparcadoiros e pasos inferiores entre plataformas.

Escribe tu comentario

Para escribir tus comentarios en las noticias, necesitas ser usuario registrado. Si no lo eres regístrate ahora

1000 Caracteres disponibles

www.santiagoteespera.com no se hace responsable de las opiniones de los lectores y eliminará los comentarios considerados ofensivos o que vulneren la legalidad.

Ante cualquier duda, problema o comentario
en las páginas de El Correo Gallego envíe un
e-mail a info@elcorreogallego.es. Titularidad
y política de privacidad