Jueves 21.03.2013  | Actualizado 04.31 Hemeroteca web  |  RSS   RSS

Noticia 86 de 582 anterior siguiente Santiago te espera  |   RSS - Santiago te espera RSS

O programa Vive o verán aposta pola conciliación e amplíase ás parroquias

A iniciativa, que comprende un total de 15 actividades, aposta pola conciliación familiar e laboral e por levar tamén a diversión aos centros do rural

13.06.2012 
A- A+

O concelleiro de Centros Socioculturais e Participación Cidadá, Francisco Noya, presentou o programa Vive o verán 2012, que se desenvolverá durante os meses de verán en centros socioculturais e noutros espazos da cidade. A iniciativa, que comprende un total de 15 actividades, aposta pola conciliación familiar e laboral e por levar tamén a diversión aos centros do rural.

Vive o verán 2012 inclúe este ano diversas accións, algunhas delas xa habituais durante o ano e que continúan nos meses de verán, e outras específicas e novidosas como as Mañás de verán e de xogo. Nelas, nenos e nenas entre 4 e 12 anos poderán gozar d­unha programación especial nos centros socioculturais. Ademais, tamén se prepararon actividades noutros espazos públicos co obxecto de que a xente saia á rúa e viva o tempo estival.

As Mañás de verán e xogo apostan pola conciliación familiar e laboral. Serán ata sete accións agrupadas en tres localizacións urbanas (centros socioculturais de Vite, Conxo e As Fontiñas) e catro rurais, agrupadas por locais socioculturais: Marrozos, Eixo e Bornais; Busto, Nemenzo e Marantes; A Gracia, Grixoa e Lamascal; e Figueiras, Laraño e Villestro. As actividades celebraranse do 2 ao 31 de xullo, de luns a venres, en horario de 10.00 a 14.00 horas.

Os seis primeiros ofrecen ata 30 prazas cada un deles, con dúas modalidades de participación: mes completo (40 euros) ou por semanas (10 euros). O prazo de inscrición estará aberto do 12 ao 25 de xuño. As mañás dos tres centros urbanos terán cada unha un fío temático condutor: Mañás en movemento (Vite), Mañás de natureza e creatividade (Conxo) e Mañás de pequenos artistas (As Fontiñas).

No caso de Figueiras, e organizado pola Asociación Veciñal Nova Xeira coa colaboración do Concello, realizarase un campamento infantil. Está destinado a nenos de entre 5 e 12 anos. O prezo será de 50 ou 60 euros (dependendo do número final de inscritos).

Escribe tu comentario

Para escribir tus comentarios en las noticias, necesitas ser usuario registrado. Si no lo eres regístrate ahora

1000 Caracteres disponibles

www.santiagoteespera.com no se hace responsable de las opiniones de los lectores y eliminará los comentarios considerados ofensivos o que vulneren la legalidad.

Ante cualquier duda, problema o comentario
en las páginas de El Correo Gallego envíe un
e-mail a info@elcorreogallego.es. Titularidad
y política de privacidad